Banda Gaites LaKadarma con Rodrigo Joglar: Un proyeutu musical perprestosu #QuedáiEnCasa

Enantes d’entamar l’andancia que tamos careciendo, n’Alderiques 2.0 tuvimos la oportunidá d’averanos al Conceyu Piloña pa charrar un cachín curiosu con Rodrigo Joglar que ye ún de los direutores de la Banda Gaites LaKadarma.

Con él afondemos nesta agrupación que se forma en febreru de 2012 baxo la direición musical de los hermanos Rodrigo y Andrea Joglar y que se compón de músicos procedentes d’estremaes estayes de la música tradicional asturiana, tanto del mundu de les bandes de gaites, como de los grupos de música folk, amás de gaiteros solistes o escolinos de les escueles de música de Piloña y de Nava.