Especial Vuelta 2015 con Samuel Sánchez

La 70ª edición de la Vuelta España va cuerrese dende’l 22 d’agostu hasta’l 13 de setiembre de 2015, ente les localidaes de Puertu Banús y Madrid, con un percorríu total de 3.374,4 km dixebraos en ventiún etapes.

Nueve llocalidaes van ser salíes inédites en 2015, Alhaurín de la Torre, Mijas, Rota, Jódar, Puebla de Don Fadrique, Torrevieja, Comillas, Ruque y Medina del Campu; amás tamién van ser finales inéditos d’etapa Caminito del Rei, Vejer de la Frontera, Alcalá de Guadaíra, Sierra de Cazorla, La Alpujarra, Cume del Sol Benitachell, Cortals d’Encamp, Fonte del Chivu, Sotres en Cabrales, Ermita d’Alba en Quirós y Cercedilla.

Son ventidós los equipos que van tar na carrera: los diecisiete de categoría UCI ProTeam (al ser obligada y tener asegurada la so participación); más cinco de categoría Profesional Continental convidaos pola organización (Caxa Rural-Seguros RGA, Team Europcar, Cofidis, Solutions Crédits, Colombia y MTN Qhubeka). Formando asina un pelotón de 198 ciclistes (averaos al llímite de 200 establecíu pa carreres profesionales), con 9 corredores cada equipu.

Ente los favoritos pal trunfu final tan casi que toos los que destacaron nel pasáu Tour (el ganador Froome, Quintana, Valverde, Rodríguez, etc).

Les etapes asturianes xugarán un papel cimeru al tar allugaes na parte final de la ronda española con dos llegaes como Sotres nel conceyu Cabrales y La Ermita L’Alba nel conceyu Quirós.