Concentración pola dignidá del asturianu – 25 febreru 2016

La Xunta pola defensa de Llingua Asturiana convocó esti xueves 25 febreru a les puertes del Parllamentu Asturianu una manifestación pola dignidá del idioma asturianu por mor de les llaceriantes declaraciones de la cabezalera del PP n’Asturies, Mercedes Fernández «Cherines», onde amosaba la so allegría por algamar qu’el castellán fuere la única llingua a usar na Xunta Xeneral.

A lo llargu esti Especial Informativu vamos recoyer les opiniones de dellos protagonistes: parllamentarios asturianos como Nicanor García de Ciudadanos, Gaspar Llamazares d’Izquierda Xunida o Andrés Ron de Podemos amás de sentir a representantes de les organizaciones cíviques en defensa’l nuesu idioma.