Charra n’Avilés al rodiu’l pieslle d’ArcelorMittal Sestao

Esti pasáu miércoles 30 de marzu a les 6 de la tarde nel Centru Municipal d’arte y esposición d’Avilés organizóse, por parte de la Corriente Sindical d’Izquierdes, una charra alderique colos sos compañeros del sindicatu LAB de la planta Sestao onde espunxeron la difícil situación que tán viviendo, les sos propuestes y la so campaña de movilizaciones en defensa del so futuru.

Los representantes vascos cuntaron de primer mano como, desque Mittal mercó Aceralia nel 2006, l’acería de Sestao foi menguando nes sos funciones: quitáron-yos el so aparatu comercial, el de compres, el d’analís, etc.

Amás hebo un amenorgamientu de plantiya de 500 a 340 trabayadores (apararon l’acería 5 meses hasta qu’aceptaron esta propuesta) y variabilidá del sueldu d’un 19% más otru 12% pa el trabayadores con contratu relevu.

Sestao nun ye una competencia tocantes a productos fabricaos n’Asturies onde van más de 1200 empleos perdíos nos postreros 4 años.

Les cámares d’Alderiques d’Asturies tuvimos presentes y recoyimos los testimonios de los representantes de los trabayadores d’Euskadi onde mos despliquen la so situación.